Бахмут атрофида Россия ҳужумини қайтараётган украин танкчилари ва артиллериячилари. Уруш суратлари

Бахмут атрофидаги украин артиллериячилари

Украина ҚКнинг Донецк областидаги фронт ҳоспитали

Киевда Шчорснинг ҳайкали бузилиши

Харкив ва Павлоград ўққа тутилиши оқибатлари

8 декабрга ўтар кечаси Россия қўшини Харкив бўйлаб олтита ракета билан зарба йўллади. Регион маъмурияти раҳбари Олег Синегубовнинг сўзларига кўра, ҳужум С-300 комплекси орқали йўлланган. Зарбалар оқибатида икки киши яраланган: 36 ёшли аёлга воқеа жойида ёрдам кўрсатлган, 25 ёшли эркакни шифохонага жойлаштиришга тўғри келган. Турар жой, ўқув муассасаси биноси, болалар майдончаси ва 20 га яқин автомобил шикастланган, дея ёзган Синегубов ва гап фақат «фуқаролик объектлари» ҳақида кетаётганини қўшимча қилган.

Шунингдек, Днипропетровск области ҳам ёппасига ўққа тутилган, бу ҳақда маҳаллий маъмурият раҳбари Сергей Лисак хабар берган. «Павлоград, Тернивка ва Юревскда вайронгарчиликлар бор. Саноат корхонаси шикастланган. 16 та хусусий уй ва 5 та ҳовли шикастланган. Черковга зарба берилган. Автоларни уришган», — дея ёзган Лисак телеграм-каналида. Ракета зарбаси оқибатида Павлоградда саккиз киши жароҳатланган — 32 ёшдан 66 ёшгача бўлган эркаклар. Жабрланувчиларнинг олти нафари шифохонага ётқизилган, улардан икки нафари — оғир аҳволда. 

Авдийивка, Донецк области

Авдийивка шаҳри Россия томонидан аннексия қилинган Донецк шаҳридан 15 километр масофада жойлашган. 2014 йилда Авдийивка бир неча ой муддатга айирмачилар қўлига ўтади, аммо Украина қуролли кучлари ўша йилнинг ўзидаёқ шаҳарни қайтариб олади. Шундан буён шаҳар учун жанглар давом этмоқда, у доимо зарбалар остида қолади. Россиянинг кенг кўламли босқини бошланганидан кейин Авдийивка урушдаги қайноқ нуқталардан бирига айланди. Октябр ойи ўрталарида Россия армияси шаҳар учун жангларни қайтадан фаоллаштирди. Бу 2014 йилдан буён энг йирик кўламдаги ҳужум бўлмоқда.