Республика 63 та давлатга тўқимачилик маҳсулотларини экспорт қилган.
Фото: Kun.uz
Ўзбекистон 2023 йилнинг январ-ноябр ойларида қиймати 2,8 млрд долларлик тўқимачилик маҳсулотларини экспорт қилган.
Статистика агентлиги маълумотларига кўра, бу кўрсаткич умумий экспортнинг 12,1 фоизини ташкил этган.
Экспорт қилинган тўқимачилик маҳсулотлари таркибида тайёр тўқимачилик маҳсулотлари (41,3 фоиз), калава-ип (40,7 фоиз) асосий улушни эгаллаган.
Йил бошидан 626 турдаги тўқимачилик маҳсулотлари дунёнинг 63 та давлатига экспорт қилинган. Натижада, тўқимачилик маҳсулотлари экспорти ҳажми ўтган йилга нисбатан сезиларли даражада ошган.
Тўқимачилик маҳсулотлари таркибида:
- тайёр тўқимачилик маҳсулотлари – 1,2 млрд;
- калава-ип – 1,1 млрд;
- трикотаж мато – 284,8 млн;
- газламалар – 164,8 млн;
- пайпоқ маҳсулотлари – 56,9 млн доллар.
