Тошкентда иккита электробус тўқнашди
Яшнобод туманидаги бекатда 28- ва 44-сонли автобуслар тўқнашиб кетди. Оқибатда бирининг ўрта эшик қисми, бошқасининг эса чап томон орқани кўриш ойнаси корпус қисми шикастланди.
![](https://storage.kun.uz/source/10/sOioSAEIFUcVMdJB68cc5rFJsijgabL6.jpg)
Фото: Telegram / Tashkent Land
Тошкент шаҳар Яшнобод туманида икки автобус ҳайдовчиси пойга ўйнагани айтилган хабарлар тарқалди. «Тошшаҳартрансхизмат» мазкур хабар юзасидан маълумот тақдим этди.
Қайд этилишича, ҳолат 7 феврал куни соат 11:00 ларда рўй берган. Унда «1-Автобус саройи» филиали тасарруфидаги 28-сонли автобус ҳайдовчиси Х.А. автобусни Яшнобод тумани Махтумқули кўчаси бўйлаб бошқариб келиб, «Успенский номидаги мусиқа мактаби» бекатига тўхтатган.
У шу бекатда тўхтаб йўловчи тушираётган «5-автобус саройи» филиали тасарруфидаги 44-сонли автобус билан ёнлама оралиқ масофани сақламаган. Оқибатида 28-сонли автобуснинг ўрта эшик қисми ҳамда 44-сонли автобуснинг чап томон орқани кўриш ойнасининг корпус қисми билан бир-бирига тегиб қирилган. Содир этилган тўқнашувда ҳеч ким тан жароҳати олмаган.
Йўл-транспорт ҳодисаси Тошкент шаҳар Ички ишлар бош бошқармаси Йўл ҳаракати хавфсизлиги бошқармаси ходимлари томонидан ўрнатилган тартибда расмийлаштирилган.
Мавзуга оид
![](https://storage.kun.uz/source/thumbnails/_medium/10/n52siBa9U1YRXg6XrJQR5QWhZ_m4kOji_medium.jpg)
21:55 / 11.07.2024
“Эр-хотин аламини боладан олишган” — Яшнободдаги мудҳиш қотиллик ҳақида нималар маълум?
![](https://storage.kun.uz/source/thumbnails/_medium/10/34qmvoAVKuHzcKl1zrgV6BVpipce0HzC_medium.jpg)
10:04 / 11.07.2024
Тошкентда эркак 3 ёшли болани қасддан пичоқлаб ўлдирди
![](https://storage.kun.uz/source/thumbnails/_medium/10/GK58W3TXHw7cFPZ4oWCwRlDGNHpX0-lV_medium.jpg)
09:07 / 11.07.2024
Тошкентда ЙТҲ сабабли 5 700 хонадон газсиз қолди
![](https://storage.kun.uz/source/thumbnails/_medium/10/Gaco99t0WlTxrTDVtX62HUK0RoOaAyX0_medium.jpg)
13:34 / 03.06.2024