Навоийда кучли чанг бўронлари кузатилмоқда

Вилоят шимолида кўриниш масофаси 40-50 метргача, айрим жойларда ундан ҳам кўпроқ масофага пасайган.

Навоий вилоятининг шимолий ҳудудларида кучли чанг бўронлари кузатилмоқда. Бу ҳақда Гидрометеорология хизмати агентлиги хабар берди.

Маълум қилинишича, Навоий вилоятининг шимолий ҳудудларида кучли шамол бўлаётгани сабабли чанг-бўронли об-ҳаво шароити давом этмоқда. Бунинг оқибатида кўриниш масофаси 40-50 метргача, айрим жойларда ундан ҳам кўпроқ масофага пасайган.

Kun.uz манбасининг маълум қилишича, бу каби чанг-тўзонли ҳаво Бухоро вилоятининг чўл ҳудудларида ҳам кузатиляпти. Бу эса йўлларда кўриниш масофасини чеклаб, ҳайдовчилар учун бироз қийинчилик туғдирмоқда.

Олдинроқ 16–18 феврал кунлари республиканинг айрим жойларида шамол тезлиги 17–22 метр/секундга етиши, баъзида 25–28 метр/секундгача кучайиши мумкинлиги хабар қилинганди.

Тайёрлаган: Руслан Сабуров

#Навоий #чанг бўрони