Шавкат Мирзиёев Янги Наманган шаҳри лойиҳаси ва чет тиллар институти қурилиши билан танишди
Муҳим ижтимоий-иқтисодий дастурлар ижроси билан танишиш мақсадида Наманган вилоятида бўлиб турган Шавкат Мирзиёев Исҳоқхон Ибрат номидаги хорижий тиллар институти кампуси қурилишини кўздан кечирди.
Шунингдек, қурилиш ишлари 2 йил олдин бошланган, 200 минг аҳолига мўлжалланган Янги Наманган шаҳри босқичлари президентга тақдимот қилинди. Ҳозирда бу ерда 2764 та хонадонли кўп қаватли уйлар барпо этилган, яна 648 та хонадонли уйлар қурилмоқда.
КУН РАҚАМИ
2024 йил 1 март ҳолатига солиқ органларида 337 минг 477 та кўчмас мулк ижара шартномаси ҳисобга қўйилди.
«Ўзгидромет» яна сел-сув тошқини хавфи ҳақида огоҳлантирди
26-30 март кунлари Ўзбекистон ҳудуди бўйича вақти-вақти билан ёмғир ёғади, баъзи жойларда кучли бўлади. Момақалдироқ бўлиши мумкин. Кутилаётган кучли ёмғирлар ёғиши сабабли, 26-31 март кунлари республиканинг тоғолди ва тоғли ҳудудларида сел-сув тошқин ҳодисалари юзага келиши мумкин.
Тоғолди ва тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўриш сўралган.
1 апрелдан метан-шохобчаларда чекланган нархнинг амал қилиш даври тугайди
Ўтган йилнинг сентябр ойида қабул қилинган ҳукумат қарори билан 6 ой давомида автомобилларга газ тўлдириш шохобчаларида метан газ нархи 3250 сўмдан ошиб кетмаслигини таъминлаш вазифаси қўйилган эди. 1 апрелдан бу муддат якунига етади ва чакана нарх ошиши мумкин.
Умра хизматларини кўрсатувчи фирмалар учун лицензия жорий этилади
