“Тадбиркорлик субъектлари томонидан жамоат жойлари, ижтимоий объектлар ва аҳоли пунктларининг белгиланган жойларида санитария-гигиена шохобчаларини ташкил этиш тўғрисида”ги ҳукумат қарори лойиҳаси эълон қилинди.

Президентнинг “Чиқиндиларни бошқариш тизимини такомиллаштириш ва уларнинг экологик вазиятга салбий таъсирини камайтириш бўйича чора-тадбирлар тўғрисида”ги фармони билан 2024 йил 1 майдан бошлаб тадбиркорлик субъектларига жамоат жойлари, ижтимоий объектлар ва аҳоли пунктларининг белгиланган жойларида санитария-гигиена шохобчаларини ташкил этиш ҳуқуқи берилган.

Санитария-гигиена шохобчалари ташкил этиладиган жойларни тадбиркорлик субъектларига бириктириш электрон аукцион савдолари орқали амалга оширилади.

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Е-auksion электрон савдо платформасида электрон савдо майдончаси орқали танлов ўтказадилар ва электрон танлов ғолиби билан санитария-гигиена шохобчаларни ташкил этиш бўйича шартнома тузадилар.

Бунда:

  • туман (шаҳар) ҳокимлиги томонидан жамоат санитария-гигиена шохобчалари қурилиши мумкин бўлган жойларнинг дислокациясини ҳамда мазкур ҳудуддаги инфратузилма объектлари ва аҳоли ҳаракати гавжумлиги даражаси тўғрисидаги маълумотларни Е-auksion тизимидаги алоҳида веб-саҳифада эълон қилиб борилади;
  • электрон аукцион савдоларига қўйиш учун санитария-гигиена шохобчалари ўрнатиладиган жойларнинг минимал қиймати (бошланғич нархи) Экология, атроф-муҳитни муҳофаза қилиш ва иқлим ўзгариши вазирлиги ва Давлат активларини бошқариш агентлиги томонидан аниқланади;
  • электрон аукцион савдоларида ғолиб бўлган тадбиркорлик субъектларига санитария-гигиена шохобчалари ўрнатиладиган жойлар ижара ва мулк ҳуқуқи асосида ажратилади.

Электрон аукцион савдоларида ғолиб бўлган тадбиркорлик субъектлари санитария-гигиена шохобчаларини Экология, атроф-муҳитни муҳофаза қилиш ва иқлим ўзгариши вазирлиги, Қурилиш ва уй-жой коммунал хўжалиги вазирлиги ҳамда Санитария-эпидемиологик осойишталик ва жамоат саломатлиги қўмитаси томонидан белгиланган аниқ мезон ва талаблар асосида ташкил этади.

Бунда, санитария-гигиена шохобчаларда, мажбурий тартибда болалар ва жисмоний имконияти чекланган шахсларнинг шохобчага қийинчиликсиз кириб-чиқиши ва улар учун алоҳида санитар-техник ускуналар билан жиҳозланган кабиналар ташкил этиш талаб этилади.

Белгиланишича, санитария-гигиена шохобчалари ўрнатиладиган жойларни: