Дунё бўйлаб вабо тарқалиш хавфи жуда юқори баҳоланмоқда
Жорий йилнинг январ-июн ойларида дунёнинг 25 та давлатида 250 минг нафарга яқин киши вабо билан касалланган. Улардан 2 137 нафари вафот этган. Аксарият вабо ўчоқлари Шарқий Ўрта ер денгизи минтақаси мамлакатларида рўйхатга олинган. Афғонистонда қарийб 18,7 минг киши ушбу инфекцияни юқтирган.
Дунё бўйлаб вабо касаллиги тарқалиш хавфи жуда юқори, деб баҳоланмоқда. Бу ҳақда Жаҳон соғлиқни сақлаш ташкилоти ҳисоботига таяниб Соғлиқни сақлаш вазирлиги хабар берди.
Маълум қилинишича, жорий йилнинг январ-июн ойларида дунёнинг 25 та давлатида 250 минг нафарга яқин киши вабо билан касалланган ва улардан 2 137 нафари вафот этган. Биргина июн ойида 18 мамлакатда яшовчи 40,5 минг нафардан кўпроқ беморда ушбу хасталик аниқланган. Уларнинг 166 нафари эпидемия оқибатида ҳаётдан кўз юмган.
Аксарият вабо ўчоқлари, яъни 32,5 мингга яқин янги касалланиш ҳолатлари Шарқий Ўрта ер денгизи минтақаси мамлакатларида рўйхатга олинган. Афғонистонда қарийб 18,7 минг, Яманда 6,6 миндан ортиқ, Покистонда эса 5200 дан зиёд киши ушбу инфекцияни юқтирган.
ЖССТ дунё бўйлаб эпидемиялар сони ортиши ва уларнинг тарқалиш кўлами кенгайиши, шунингдек, вакциналар ва бошқа ресурслар тақчиллигини ҳисобга олиб, глобал даражадаги хавфни жуда юқори деб баҳолаган.
Қайд этилишича, қатор давлатларда вабога қарши эмлаш воситалари етишмовчилиги кузатиляпти. Ўтган йил январ ойидан буён 17 та мамлакат 102 миллион доза вакцина сўраган бўлса, ишлаб чиқариш миқдори 51 миллион дозани ташкил этган. Бугун эса захирадаги 7,5 миллион доза эмлаш воситаси қолган холос.
Тавсия этамиз
Исроил–Эрон урушининг Марказий Осиё учун геосиёсий мезонлари қандай?
Жаҳон | 22:13 / 18.06.2025
Клублар ўртасидаги ЖЧда кўпчиликка нотаниш бўлган 11 истеъдод. Кимлар турнир кашфиёти бўлиши мумкин?
Спорт | 20:34 / 18.06.2025
Яна юзлаб одам алданган: Alfa va Baraka avtolizing судидан репортаж
Жамият | 11:25 / 18.06.2025
Исроил эронликлар тузумга қарши исён кўтаришига умид қилмоқда. Бунинг эҳтимоли борми?
Жаҳон | 20:00 / 17.06.2025
Мавзуга оид

11:21 / 14.06.2025
ЖССТ Судандаги болалар учун очарчилик таҳдиди ҳақида огоҳлантирди

22:58 / 20.05.2025
ЖССТ келажакдаги пандемияларга қарши кураш бўйича янги глобал битимни тасдиқлади

17:31 / 16.04.2025
ЖССТ келажакдаги пандемиялардан ҳимояланиш режасини тақдим этади

08:49 / 03.04.2025