Ўзбекистон ЯИМ ҳажми шаклланишида энг юқори улуш қайси ҳудудга тегишли экани маълум қилинди

2024 йилнинг январ-июн ҳолатига Ўзбекистонда ялпи ички маҳсулот (ЯИМ) ҳажмининг шаклланишида Тошкент шаҳри етакчи бўлган.

Фото: Kun.uz

Статистика агентлиги маълумотларига кўра, пойтахт 19 фоиз улуш билан ЯИМ ҳажмининг шаклланишига энг катта ҳисса қўшган.

Ундан кейинги ўринларни Тошкент (10,2 фоиз) ва Навоий (8,5 фоиз) вилоятлари эгаллаб турибди.

Республика ЯИМ ҳажмини шакллантиришда энг кам улуш Сирдарё (1,9 фоиз), Жиззах (2,8 фоиз) вилоятлари ҳамда Қорақалпоғистон Республикасига (2,8 фоиз) тўғри келган.