Қора денгизнинг олигархлар яхталари турадиган ҳудудида GPS-сигналларни тўсиб қўйиш бошланди

Қора денгиз соҳилида жойлашган Геленжик кўрфази сувларига кириш яқинида кутилмаганда GPS-сигналларни тўсиб қўйиш бошланди.

MarineTraffic сайти маълумотларига кўра, бир нечта кема кўрфаз кириш жойида айлана бўйлаб ҳаракатланишга тушган. Тахлилчиларнинг ёзишича, кемаларнинг кутилмаганда бундай ҳаракатланиши ушбу ҳудудда GPS-сигналларни тўсувчи тизим ишга туширилганини англатади. 

Навигация хариталарини ўрганган The Inseder юқоридаги тахминларни тасдиқлади. 133-сонли буй (сувда саёзликни кўрсатувчи белги) каналларни ковлаш жараёнида олинган тупроқлар ташланган жойни кўрсатади. Унинг чуқурликни кўрсатишдан бошқа функцияси йўқ, аммо ундан сигналларни тўсишга ёрдам берадиган қурилмаларни ўрнатишда фойдаланилган бўлиши мумкин. 

Жорий йилнинг ёзида Геленжик соҳилида элита қатлам учун «Геленжик Марина» курорт мажмуасини қуриш бошланган эди. Мажмуа қурлиши якунлангач унинг ичидан боғ ва 300 та яхтага мўлжалланган денгиз манзараси ўрин олади. Курорт зонадаги боғнинг майдони 3,7 гектарга етади, шунингдек, мажмуада 400 томошабинга мўлжалланган сув томошалари театри, 600 кишилик меҳмонхона, болалар учун кўнгилочар маркази жойлашади. Лойиҳани уч йил ичида якунлаш режалаштирилган ва у ушбу минтақада сўнгги йилларда қурилган энг йирик курорт объектга айланиши кутилмоқда.

«Геленжик Марина» мажмуаси «Путин саройи»дан 30 километр узоқликда жойлашган. Коррупцияга қарши курашиш фонди 2021 йилда ушбу қароргоҳнинг қийматини 100 миллиард рублга баҳолаган эди. Мажмуа қурилиши Олег Дерипаска билан боғлиқ тузилмаларга тегишли компаниялар томонидан амалга оширилмоқда. Тадбиркор инфратузилма лойиҳаларига йирик сармоя киритиши, шунингдек, мамлакат раҳбариятига яқинлиги билан танилган.