Япония ва Полшага ишга юборишни ваъда қилган шахслар қўлга олинди

Хорижий давлатларга ишга юборишни ваъда қилган шахслар ушланди. Бу ҳақда Иқтисодий жиноятларга қарши курашиш департаменти хабар бермоқда.

Фото: Бош прокуратура ҳузуридаги Департамент

Бош прокуратура ҳузуридаги Департаментнинг Яшнобод тумани бўлими ҳамда ДХХ ходимлари ҳамкорлигида тезкор тадбир ўтказилган.

Унда фуқаро Б.Х. А.А.нинг ишончига кириб, уни Япония давлатига ишга юбориши эвазига 7400 АҚШ долларини олган вақтида ашёвий далиллар билан ушланган.

Шунингдек, департаментнинг Самарқанд шаҳри бўлими томонидан терговга қадар текширув ўтказилган.

Унда, фуқаро А.Қ. (муқаддам фирибгарлик жинояти учун судланган) 4 нафар фуқаронинг ишончига кириб, уларни Полша давлатига ишга юбориши эвазига жами 10 700 АҚШ долларини фирибгарлик йўли билан қўлга киритганлиги аниқланган.

Мазкур ҳолатлар юзасидан Жиноят кодексининг 168-моддаси (фирибгарлик) билан жиноят ишлари қўзғатилиб, тергов ҳаракатлари ўтказилмоқда.

#иш #хориж