Тошкентда 7,5 млрд сўмлик электрдан ноқонуний фойдаланган пахта цехи аниқланди

Яшнобод туманидаги МЧЖ раҳбари пахтани қайта ишлаш цехини тармоққа ноқонуний равишда улаб, жами 7,5 млрд сўмлик электр энергиясини ўғирлаган.

Фото: Бош прокуратура

Энергия ресурсларни талон-торож қилинишини фош этишга қаратилган назорат тадбирлари давом этмоқда.

Бош прокуратура маълум қилишича, Тошкент шаҳрининг Яшнобод туманидаги “К.И.” МЧЖ раҳбари Р.И. пахтани қайта ишлаш цехини тармоққа ноқонуний равишда улаб, жами 7,5 млрд сўмлик электр энергиясини ўғирлаган.

Мазкур ҳолат юзасидан жамият раҳбарига нисбатан Жиноят кодексининг 169-моддаси (ўғирлик) 4-қисми “а” банди билан жиноят иши қўзғатилиб, гумонланувчи процессуал тартибда ушланган.