Зомин аэропорти 27 декабрдан рейсларни қабул қилишни давом эттиради

Яқинда вақтинча ёпилгани хабар қилинган Зомин аэропорти 27 декабрдан яна очилади. Silk Avia шу санадан бошлаб Тошкент - Зомин қатновларини қайта тиклаши ҳақида хабар берди.

Silk Avia 27 декабрдан бошлаб Тошкент - Зомин - Тошкент йўналиши бўйича мунтазам рейсларни тиклайди, дея хабар қилмоқда авиакомпания.

25 декабрь куни Ўзгидромет катта авиабортларни қабул қилиш бўйича иккинчи босқич таъмирлаш ва қайта жиҳозлаш ишлар бошланиши муносабати билан Зомин аэропорти вақтинча ёпилгани ҳақида хабар берганди.

Бир томонлама авиачипталар нархи 121 минг сўмдан бошланади, рейслар ҳар куни амалга оширилади, дея аниқлик киритди авиакомпания.

Туристик-рекреацион йўналиш фаол ривожланаётган Жиззах вилояти Зомин туманидаги аэропорт қурилиши июл ойи охирида бошланган ва 2023 йил август ойи охирида якунланган.

#аэропорт #Зомин