Қўшимча функционаллар
-
Тунги кўриниш
Трамп ягона валюта яратмоқчи бўлаётган BRICS мамлакатларига таҳдид қилди
АҚШ раҳбари бунга уринаётган давлатларни 100 фоизлик божлар билан огоҳлантирди.
Фото: AFP
АҚШ президенти Доналд Трамп BRICS давлатларига янги валюта яратиш ва доллардан воз кечишга уринишлари учун 100 фоизлик бож билан таҳдид қилди.
Трампнинг айтишича, Америка «душман давлатлардан» янги валюта яратмаслик ёки «қудратли АҚШ доллари» ўрнини босувчи бошқа валютани қўллаб-қувватламаслик мажбуриятини талаб қилади. «Ёки улар 100 фоизлик тарифларга дуч келади ва АҚШ буюк иқтисодиётига маҳсулот сотиш имконияти билан хайрлашади», деб ёзди Трамп Truth Social саҳифасида.
Унинг қўшимча қилишича, BRICS давлатларида «халқаро савдода ёки бошқа жойда АҚШ долларини алмаштириши учун ҳеч қандай имконият йўқ» ва бунга ҳаракат қилган ҳар қандай давлат «божларни олқишлаб, Америка билан хайрлашиши» керак.
BRICS (Brazil, Russia, India, China, South Africa давлатлари номининг бош ҳарфларидан тузилган қисқартма) 2006 йилда Бразилия, Россия, Ҳиндистон ва Хитой томонидан ташкил этилган бўлиб, кейинчалик унга Жанубий Африка қўшилган. 2024 йил 2 январ куни унга Миср, Эрон, БАА ва Эфиопия қабул қилинди.
2023 йилда Йоҳаннесбургда бўлиб ўтган BRICS саммитида ягона валюта яратиш масаласи муҳокама қилинди. Муҳокама иштирокчилари ушбу валютанинг мақсадини савдо ва лойиҳаларни молиялаштиришни соддалаштириш, шунингдек, халқаро ҳисоб-китобларда доллар ва еврога қарамликни камайтириш деб атаган.
Трамп 2024 йил ноябрида ҳам BRICS ягона валютасини яратишга уринишларга бож тарифлари билан таҳдид қилган эди. «Улар бошқа аҳмоқни топиши мумкин. BRICS валютасининг халқаро савдода АҚШ доллари ўрнини эгаллашига ҳеч қандай имконият йўқ», деди Трамп.
Тавсия этамиз
Қозоғистонда ҳашамат солиғи, Афғонистонда қиммат интернет ва Туркманистонда тақчил ёғ - Марказий Осиё ҳафта ичида
Жаҳон | 12:43 / 02.03.2025
Тошкентда таксида чақалоқ туғилди
Жамият | 23:33 / 01.03.2025
Тошкент вилоятида вазни 7 килодан зиёд қиз туғилди
Жамият | 22:30 / 01.03.2025
Тишлари тўкилган қонун, автомобил импортидаги музлаш ва Узундаги жиноят(лар) — ҳафта дайжести
Ўзбекистон | 20:59 / 01.03.2025
Сўнгги янгиликлар
-
АҚШ ҳам маънавий, ҳам ҳуқуқий жиҳатдан Украинага ёрдам бериш мажбуриятига эга — сиёсатшунослар
Жаҳон | 19:09
-
Энергетика вазирлигига электр ва газ бўйича ижтимоий меъёрлар муддатини ўзгартириш ваколати берилди
Ўзбекистон | 19:06
-
Сифатли навларни яратиш тажрибасини ўрганиш бўйича Италия билан ҳамкорлик қилинади
Ўзбекистон | 19:01
-
Қашқадарёда Қизилсув сув омбори таъмирлаш мақсадида қуритилди
Ўзбекистон | 18:58
Мавзуга оид
19:09
АҚШ ҳам маънавий, ҳам ҳуқуқий жиҳатдан Украинага ёрдам бериш мажбуриятига эга — сиёсатшунослар
12:41
АҚШдан яна 10 нафар Ўзбекистон фуқароси депортация қилинади
11:43
Зеленский АҚШ билан келишувни имзолашга тайёр
09:19
АҚШда Зеленскийнинг истеъфога чиқиши зарурлиги ҳақида баёнотлар янграмоқда
