«У ерда (Украинада) қўшинлар жойлаштирилса яхши бўларди, мен бунга қарши эмасман», — деди Трамп. Шу билан бирга, у Америка тинчликпарвар кучлари ҳақида гапирмаётганини тушунтирди, чунки «биз узоқдамиз». Аммо агар Европа давлатлари буни қилишни хоҳласа, «бу ажойиб бўларди», деди Трамп.
Украинага тинчликпарвар кучларни юбориш ғояси Франция ва Буюк Британия томонидан бир неча бор илгари сурилган, аммо Европа Иттифоқи мамлакатлари ўртасида бу масала бўйича ҳали келишув мавжуд эмас. Шу билан бирга, Москва эҳтимолий ўт очишни тўхтатишдан сўнг Украинада Ғарб давлатларидан тинчликпарвар кучларнинг бўлишига қарши ва буни «қабул қилиб бўлмайди» деб атади.
