Тошкент шаҳар ҳокимлиги пойтахтда фуқаро итлар ҳужумидан сўнг вафот этганини рад этди

Ижтимоий тармоқларда пойтахтда фуқаро итлар ҳужум қилиши оқибатида вафот этгани тўғрисида хабарлар тарқалди. Шаҳар ҳокимлиги бу маълумот ҳақиқатга тўғри келмаслигини билдирди. Фуқаро ўткир юрак-қон томир етишмовчилигидан вафот этган.

Фото: Ижтимоий тармоқлар

Бугун, 3 март куни, Қорақамиш мавзесининг 2/4-кварталида яшовчи 1966 йилда туғилган Л.У. ҳаётдан кўз юмган.

Маълум қилинишича, ўлим сабаби — ўткир юрак-қон томир етишмовчилиги.

Тарқалаётган миш-мишларнинг аксига ўлароқ, ҳеч қандай итлар ҳужуми содир бўлмаган, дейилади хабарда.

"Шаҳар аҳолисини ваҳимага тушмасликка ва нотўғри маълумотларни тарқатмасликка чақирамиз. Фақат расмий манбаларга ишонинг", дея маълумот берди ҳокимлик