Тошкентда Malibu капотида ЙПХ ходимини судраб кетган ҳайдовчи қўлга олинди
Миробод туманида давлат рақами белгиларисиз ҳаракатланган Malibu ЙПХ ходими талабига бўйсунмай, уни судраб кетди. Ҳолат юзасидан жиноят иши қўзғатилди.
ИИВ Йўл ҳаракати хавфсизлиги хизмати Тошкент шаҳрида ЙПХ ходимлари қоидабузар ҳайдовчини куч ишлатиб тўхтатгани тасвирланган ҳолат юзасидан маълумот берди.
Қайд этилишича, 5 апрел куни соат 16:55 ларда Миробод тумани Нукус – Абдулла Қаҳҳор кўчалари кесишган чорраҳада ҳайдовчи С.М. давлат рақам белгилари ўзбошимчалик билан ечилган, махсус антенна ва «сирена» мосламаси ўрнатилган Malibu-2 русумли автомобилда катта тезликда ҳаракатланиб, ўзи ва ўзгаларнинг ҳаётини хавф остига қўйган.
Шунингдек, ҳайдовчи бир неча маротаба ЙПХ ходимларининг тўхташ ишораларига бўйсунмасдан ҳаракатни давом эттирган. Ҳайдовчи ЙПХ ходими яқинлашаётганини кўриб турса-да, тўхтамаган ва уни автомобили билан туртиб юбориб, Нукус кўчаси бўйлаб капот устида судраб кетган.
Ходим тан жароҳати олгани сабабли шифокорлар томонидан биринчи тез тиббий ёрдам кўрсатилган.
Машина бошқарувида бўлган фуқаро ўзининг ишсиз экани, транспорт воситасини ижарага олганини маълум қилган. «Ёшлик қилдим, [ЙПХ ходими] капотдан тушиб қолади деб ўйладим», — дейди ҳайдовчи.
Ҳолат юзасидан Тошкент шаҳар Миробод тумани прокуратураси томонидан Жиноят кодексининг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) билан жиноий иш қўзғатилиб, ҳозирда дастлабки тергов ҳаракатлари олиб борилмоқда.
Тавсия этамиз
40 даража иссиқ: бунақа пайтда ходимлар қандай ҳуқуқларга эга?
Жамият | 17:15 / 03.07.2025
Иссиқдан қандай сақланиш керак? – ЖССТ тавсиялари
Ўзбекистон | 16:06 / 02.07.2025
Нима учун Кореяни танлаш ёки танламаслик керак? | SUBYEKTIV
Жамият | 19:02 / 30.06.2025
Уруш тугади, энди Исроил ва Эрон нима қилади?
Жаҳон | 12:02 / 30.06.2025
Сўнгги янгиликлар
-
Намибия иқтисодий тежамкорлик мақсадида давлат дафн маросимлари бекор қилинди
Жаҳон | 00:30
-
Bloomberg: Германия 1000 тагача Leopard 2 танкларини харид қилади
Жаҳон | 00:11
-
Фарғонада ЙПХ ходимлари Malibu’нинг жарималарини асоссиз бекор қилиб келгани аниқланди
Ўзбекистон | 23:53 / 04.07.2025
-
АҚШда хатолик туфайли 400 йилга қамалган эркакка 1,7 млн доллар компенсация тўланди
Жаҳон | 23:34 / 04.07.2025
Мавзуга оид

23:53 / 04.07.2025
Фарғонада ЙПХ ходимлари Malibu’нинг жарималарини асоссиз бекор қилиб келгани аниқланди

19:07 / 01.07.2025
ЙҲХХ: Ҳайдовчи ЙПХ ходимига ҳужжатларининг аслини тақдим этиши шарт

14:16 / 25.06.2025
Ҳайдовчи машинани қулфлаганидан кейин ойнанинг кўтарилиши боланинг бўйнидан қисиб қолди

16:42 / 29.05.2025