Март ойида 20 млрд сўмдан ортиқ электрдан ноқонуний фойдаланилди

Ўзбекистонда март ойида 20,16 млрд сўмлик электрдан ноқонуний фойдаланилгани аниқланди.

Фото: Ҳудудий электр тармоқлари

“Ҳудудий электр тармоқлари” хабар беришича, ҳудудларда “Ҳудудий электр тармоқлари” АЖ ҳамда тизим таркибидаги корхоналар комплаенс назорат тузилмалари томонидан ёнилғи-энергия ресурсларини талон-торож қилиш ҳолатларини аниқлаш ва уларга нисбатан тегишли чоралар кўриш юзасидан тадбирлар ўтказилмоқда.

Хизмат ходимлари томонидан жорий йилнинг март ойи давомида ўтказилган рейд тадбирлари давомида қиймати 20,16 млрд сўмлик 14,08 млн кВт/соат электр энергиясидан қонунга хилоф равишда фойдаланиш ҳолати аниқланди.

Тўпланган материаллар юзасидан қайта ҳисоб-китоб қилиниб, ҳужжатлар ҳуқуқни муҳофаза қилувчи органларга юборилган. Электр энергиясидан фойдаланиш қоидаларига риоя қилиш бўйича чора-тадбирлар давом этмоқда.

Тайёрлаган: Отабек Матназаров

#электр #март