Тошкентда АЁҚШ сифатсиз нефт маҳсулотини сотувга чиқаргани аниқланди

Сифатсиз нефт маҳсулотини сотувга чиқарган АЁҚШга нисбатан чора кўрилди.

Фото: Ўзэнергоинспекция

Ўзэнергоинспекция Тошкент шаҳар бошқармаси томонидан назорат тадбири ўтказилди.

Унда, «Қ.Р.» МЧЖга қарашли АЁҚШда сотилаётган дизел ёқилғисидан намуналар олиниб, лабораторияда таҳлил қилинганда давлат стандарт талабларига мос келмаслиги (сифатсиз) аниқланди.

Ушбу қоидабузарлик натижасида Ўзбекистон Республикаси 940-сонли қонунининг 43-моддасига асосан реализация қилинган товар қийматининг 50 фоизи миқдорида жами 24,1 млн сўм миқдорида иқтисодий санкция қўлланди.

Аниқланган қолдиқ сақланаётган сифатсиз нефт маҳсулотларини сотувга чиқармаслик ва сифатини қайта тиклаш лозимлиги бўйича кўрсатма берилди.