Тошкентдан Самарқанд ва Андижонга пулли йўллар қурилиши 2026 йилда бошланиши мумкин

Тошкент-Самарқанд ва Тошкент-Андижон пулли автомобил йўллари қурилиши, аввал режа қилинганидек 2025 йилда эмас, 2026 йилда бошланади.

Фото: Getty images

2026 йилда Тошкентдан Самарқанд ва Андижонга пулли йўллар қурилиши бошланади.

Иқтисодиёт ва молия вазирлигининг 2026−2028 йилларга мўлжалланган фискал стратегиясида қайд этилишича, 2026 йилда Тошкент-Самарқанд ва Тошкент-Андижон йўналишларида пулли автомобил йўлларини қуриш лойиҳалари амалга оширилади.

Шунингдек, Иқтисодиёт ва молия вазирлиги халқаро автомагистрал йўлларни таъмирлаш ва қуришни, шунингдек, мавжуд йўлларнинг ўтказувчанлик қобилиятини ошириш ва хавфсизлигини яхшилаш бўйича комплекс чора-тадбирлар дастурини амалга оширишни режалаштирмоқда.

Бу халқаро молия институтлари маблағлари ҳисобидан ва илғор тажрибани инобатга олган ҳолда бажарилади.