НАТО Эстониянинг Пярну шаҳрига иттифоқчи кучларнинг Германия-Нидерландия корпусини жойлаштириш тўғрисида қарор қабул қилиши мумкин. Бу ҳақда ERR телерадиокомпанияси мамлакат мудофаа вазирлигига таяниб хабар берди.
"Бу мудофаа кучларимиз учун стратегик муҳим қадам бўлади", - деб таъкидлаган Эстония мудофаа вазирлиги.
Хабар қилинишича, бу масала бўйича якуний қарор 2025 йил давомида қабул қилинади. НАТО корпусини жойлаштириш учун инфратузилма яратилиши кўзда тутилган бўлиб, бу мақсад учун мамлакат мудофаа вазирлиги 17 млн евро ажратишни режалаштирган.
