Жиззахда фуқаролардан олиб қўйилган ер учун ҳокимликдан компенсация ундирилди

Жиззахда фуқаролардан олиб қўйилган ер учун ҳокимликдан компенсация ундирилди, деб хабар берди МИБ.

Қайд қилинишича, 2 нафар фуқарога тегишли ер майдонининг бир қисми давлат ва жамият эҳтиёжлари учун олинганига қарамай, уларга ўз вақтида компенсация пули тўланмаган.

Шундан сўнг, улар судга мурожаат қилган. Фуқаролик ишлари бўйича туманлараро судининг ижро ҳужжатига асосан даъвогарлар фойдасига жавобгар туман ҳокимлигидан 441 миллион сўм миқдорида компенсация ундириш белгиланган.

Суд ҳужжатининг ижросини таъминлаш мақсадида Мажбурий ижро бюроси ҳудудий бўлими томонидан тегишли тартибда ижро ҳаракатлари олиб борилиб, ҳокимликдан 2 нафар фуқаро фойдасига 441 миллион сўм миқдорида компенсация пуллари ундирилган.