Собиқ ҳарбий қисм бинолари ерини 600 минг долларга сотмоқчи бўлган шахс ушланди

Самарқанд вилояти ИИББ ЖҚБ Ер ресурслари талон-торож қилинишига қарши курашиш бўлинмасига фуқаро Л.Э. мурожаат қилган.

Иллюстратив фото

Унинг мурожаатига асосан, вилоят прокуратураси ва бошқа ҳуқуқни муҳофаза қилувчи органлар билан ҳамкорликда тезкор тадбир ўтказилди.

Унда, фуқаро Б.Х. ариза муаллифи Л.Э.га Каттақўрғон туманида жойлашган туман ҳокимлиги захирасидаги собиқ ҳарбий қисм бино иншоотлари жойлашган 12,7 гектар ер майдонини 600 000 АҚШ доллари эвазига унинг номига расмийлаштириб беришини айтиб, олдиндан бўнак (аванс) сифатида 40 000 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 25,168-моддаси 4-қисми “а” банди билан жиноят иши қўзғатилиб, тергов ҳаракатлари олиб боришга киришилган.