Тошкент вилоятида 3 млрд сўмлик электрдан ноқонуний фойдаланиш ҳолати аниқланди

Ўзэнергоинспекция Тошкент вилоят ҳудудий бошқармаси томонидан назорат тадбири ўтказилди.

Фото: Ўзэнергоинспекция

Унда, Янгийўл туманида якка тартибдаги тадбиркор «Х.М.»га қарашли текстил маҳсулотларини ишлаб чиқариш цехи ўзбошимчалик билан тармоққа уланиб, электр энергиясидан ноқонуний фойдаланиб келаётгани аниқланди.

Ушбу қоидабузарлик натижасида, дастлабки ҳисоб-китобларга кўра, электр таъминоти корхонасига 3 миллиард 78 миллион сўмлик зарар етказилгани маълум бўлди.

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.