Украина Никарагуа билан дипломатик алоқаларини бу давлат қўшиб олинган Қрим, шунингдек, Украинанинг Донецк, Луханск, Херсон ва Запорижжя вилоятларини Россия ҳудуди сифатида тан олганидан кейин узмоқда. Бу ҳақда Украина ташқи ишлар вазирлигининг 2 октябр, пайшанба куни эълон қилинган баёнотида айтилади.
«Биз бу қарорни Манагуанинг Украина суверенитети ва ҳудудий яхлитлигига путур етказишга уриниши, БМТ низоми ҳамда халқаро ҳуқуқнинг асосий меъёрлари ва тамойилларини қўпол равишда бузиш сифатида баҳолаймиз», — дея таъкидлади Украина ташқи ишлар вазирлиги.
«Россия Федерациясининг Украинага қарши қуролли тажовузини қўллаб-қувватлаш, Украина ҳудудининг бир қисмини зўрлик билан эгаллаб олишни қонунийлаштиришга уриниш, «ДХР» ва «ЛХР» деб аталмиш ҳудудларни расман тан олиш, шунингдек, Қрим Автоном Республикасида Никарагуанинг ноқонуний «фахрий консуллиги»ни очиш Никарагуанинг тажовузкор давлат билан сиёсий ўхшашлигини ва Манагуа қўғирчоқ режимининг Москвага бевосита молиявий ва сиёсий қарамлигини намойиш этади», — дея таъкидлади Киев.
