Маъмурий судлар фаолияти: 101 та қарор бекор қилинди

Ўтган 9 ойда маъмурий судлар 13 379 та ишни кўриб чиқди ва 5 387 та фуқаро ҳамда юридик шахсларнинг ҳуқуқлари тикланди.

Фото: РИА Новости/Максим Богодвид

Шу даврда 412 та ҳоким, 653 та солиқ ва 525 та кадастр органлари қарори ҳақиқий эмас, деб топилди.

Маъмурий ва фуқаролар ўзини ўзи бошқариш органларининг қарорлари устидан 5 396 та шикоят кўрилди.

Апелляцияда вилоят ва унга тенглаштирилган судлар 2 326 та ишни кўриб чиқди. Биринчи инстанциядан чиқарилган 301 та қарор бекор қилинди, 10 таси ўзгартирилди.

Кассация тартибида 1 077 та иш кўриб чиқилиб, улардан 165 та қарор бекор қилинди ва 8 таси ўзгартирилди.

Тафтиш тартибида 1 249 та иш кўриб чиқилди, 105 та қарор бекор қилинди ва 3 та қарор ўзгартирилди.

Олий суднинг Маъмурий ишлар бўйича судлов ҳайъати қуйи судлар томонидан чиқарилган 101 та қарорни бекор қилди.