Садир Жапаров Ўзбекистонни ЮНЕСКО конференцияси билан табриклади

Қирғизистон президенти Садир Жапаров ЮНЕСКО Бош конференциясининг 43-сессияси Самарқандда бошлангани муносабати билан Ўзбекистон президенти Шавкат Мирзиёев ва Ўзбекистон халқига табрик йўллади.

Фото: Президент матбуот хизмати

Президент Жапаров бу саммит 40 йил ичида биринчи марта ЮНЕСКО бош қароргоҳидан ташқарида, Марказий Осиёда илк бор ўтказилишини тарихий воқеа деб атади.

Қирғизистон президентига кўра, тадбирнинг илм-фан бешиги бўлган қадимий Самарқандда ўтказилиши Ўзбекистоннинг цивилизациялар ўртасидаги кўприк сифатидаги ролини урғулайди.

Саид Жапаров конференция қарорлари таълим, фан ва маданият соҳаларидаги ҳамкорлик учун янги уфқлар очишига, минтақа равнақига хизмат қилишига ишонч билдирди.

Тайёрлаган Комрон Чегабоев

#ЮНЕСКО #Марказий Осиё #Садир Жапаров

БМТнинг Таълим, фан ва маданият масалалари бўйича ташкилоти (ЮНЕСКО) Бош конференциясининг 43-сессияси 2025 йил 30 октябрдан 13 ноябргача Самарқанд шаҳрида бўлиб ўтади.