Расмий маълумотларга кўра, чекловлар амалга оширилаётган йирик инфратузилма лойиҳасини тизимли тарзда юритиш, ҳудудда ер ва мулк бозоридаги эҳтимолий спекуляцияларнинг олдини олишга қаратилган. Шу муносабат билан:
- янги ер ажратиш, мулк ҳуқуқини расмийлаштириш, қурилиш-қурилишга оид рухсатлар бериш тўхтатиб турилади;
- ҳудуддаги турар ва нотурар бино-иншоотлар, шунингдек қишлоқ хўжалиги экинлари бўйича тўлиқ хатлов ўтказилади;
- мулкдорлар манфаатларини ҳисобга олган ҳолда компенсация миқдорини аниқлаш ва тўлаш тартиби белгилаб олинади.
Аввалроқ давлат раҳбари янги аэропорт қурилиши лойиҳасига расман старт берган эди. Янги аэропорт Тошкент вилоятининг Ўрта Чирчиқ ва Қуйи Чирчиқ туманларида жойлашган 1 300 гектар майдонда барпо этилмоқда.
Лойиҳани амалга ошириш даврида аҳоли ва бизнес субъектларига расмий каналлар орқали янгиликларни кузатиб бориш ҳамда ҳужжатлаштириш ишлари юзасидан ваколатли идоралар билан мулоқотда бўлиш тавсия этилади.
