Футзал бўйича Ўзбекистон миллий жамоаси Осиё Кубоги-2026 гуруҳ босқичидаги рақибларини билиб олди.
C гуруҳида уларга Тожикистон, Австралия ва Япония рақиблик қилади. Эслатиб ўтамиз, Ўзбекистон ва Тожикистон ўтган Осиё Кубогининг яримфиналчилари ҳисобланади.
Турнир 2026 йил 27 январдан 7 февралгача Индонезияда бўлиб ўтади. Осиё Кубоги ўйинларида жами 16 та жамоа 4 та гуруҳга бўлинган ҳолда иштирок этади. Ҳар бир гуруҳдан энг яхши иккита жамоа плей-оффга чиқади.
Ўзбекистон миллий жамоаси Осиё Кубогида 17 марта иштирок этган ва 4 та кумуш, 6 та бронза медалини қўлга киритган.
