Paynet Xolisʼни тақдим этди — ўзини ўзи банд қилганлар ва якка тартибдаги тадбиркорлар учун эркин ишлаш имконини берадиган флагман рақамли платформа.

Xolis — бозордаги қоидаларни ўзгартираётган, тадбиркорлар узоқ кутган, долзарб муаммоларни ҳал қилувчи рақамли тадбиркорлик платформаси. Хизмат энг мураккаб жараёнлардан бирини — тадбиркор сифатида рўйхатдан ўтишни — енгиллаштиради.

Рўйхатдан ўтиш учун етарли:

1. Face ID орқали идентификациядан ўтиш;

2. Фаолият турини танлаш;

3. Офермани тасдиқлаш.

Шундан сўнг рўйхатдан ўтиш, тўловларни қабул қилиш, фискализация ва молиявий воситалар бир жойга жамланади. Жараён 5 дақиқа вақт олади, тўлиқ онлайн — Э-имзо, давлат идораларига бориш ёки касса аппарати каби ускуналарни сотиб олиш талаб этилмайди.

Рўйхатдан ўтгач барча ҳужжатлар — гувоҳнома, даромад маълумотномаси ва фискал маълумотлар — шахсий кабинетда автоматик пайдо бўлади.

Рўйхатдан ўтиш билан бирга тадбиркорга бизнес-ҳамён очилади — функционал жиҳатдан банк ҳисоб рақамига тенг. У қуйидагиларни имконини беради:

  • кирувчи тўловларни комиссиясиз қабул қилиш;
  • QR ва ҳисоб-фактура бўйича тўлов қилганда 0,1% кешбэк олиш;
  • балансни бошқариш ва маблағларни сақлаш;
  • Paynet ҳамёнларига, бизнес карталарга ва банк карталарига ўтказмалар;
  • Paynet нуқталарда ва инфокиоскларда нақд пул ечиш;
  • алоқа, интернет, коммунал хизматлар, кредитлар ва бошқаларни тўлаш;
  • контрагент реквизитлари бўйича тўловларни амалга ошириш.

Ҳамён автоматик очилади ва қўшимча ҳужжатлар талаб қилинмайди.

Барча тўловларни қабул қилиш усуллари — бир хизматда.