Пахта хомашёсининг ҳар тоннасига 1 млн сўм субсидия ажратиш тартиби тасдиқланди

Қарор билан тасдиқланган “Қишлоқ хўжалиги субъектларига 2025 йил ҳосилидан биржа савдолари орқали сотилган пахта хомашёси учун субсидия ажратиш тартиби тўғрисида”ги вақтинчалик низомга кўра:

• 2025 йил ҳосилидан биржа савдолари орқали сотилган ҳар бир тонна пахта хомашёси учун 1 млн сўмдан субсидия ажратилади;
• низом талаблари 2026 йил 1 январгача, спот шартномалари бўйича эса 2026 йил 1 апрелгача амал қилади.

Пахта хомашёси етиштирувчи қишлоқ хўжалиги субъектлари:

• ўзи етиштириб сотган маҳсулотни 1 марта ёки бир неча қисмида сотганидан қатъи назар, субсидия олиш учун 1 маротаба мурожаат қилиш ҳуқуқига эга;
• “Рақамли қишлоқ хўжалиги” ягона интеграциялашув платформасида шахсий кабинет очиш орқали субсидия олиш тўғрисида ариза тақдим этади.

Агропортал орқали шакллантирилган, субсидия ажратиладиган пахта етиштирувчилар рўйхати ҳар ойнинг 10-санасида Қишлоқ хўжалигини давлат томонидан қўллаб-қувватлаш жамғармасига юборилади.

Тижорат банклари эса ажратилган субсидия маблағларини 3 банк иш куни ичида пахта хомашёси етиштирувчининг 23410 ҳисобварағига ўтказиб беради.