Тошкентда қутқарувчилар шифохонадан қайтган фуқарони уйига олиб чиқишга ёрдам берди

Тошкент шаҳри Яшнобод тумани Тузел-2 даҳасида тез тиббий ёрдам ходимлари шифохонадан олиб келинган фуқарони хонадонга олиб чиқишда қўшимча ёрдамга муҳтож бўлди. Ҳодиса жойига етиб борган ФВВ қутқарувчилари фуқарони тиббиёт ходимлари билан биргаликда уйига олиб чиқиб қўйди.

Фото: Видеодан кадр

Куни кеча Тошкент шаҳар Яшнобод тумани Тузел-2 даҳасида жойлашган уйларнинг бирида яшовчи фуқарога шифохонада тиббий ёрдам кўрсатилиб, яшаш манзилига олиб келинган.

Маълум қилинишича, тез тиббий ёрдам ходимлари фуқарони уйига олиб чиқиб қўйишда қўшимча куч зарурлиги сабаб Тошкент шаҳар ФВБга амалий ёрдам кўрсатиш бўйича хабар берган.

Шунга кўра, ФВВ қутқарувчилари кўрсатилган манзилга етиб бориб, фуқарони тез тиббий ёрдам ходимлари билан ҳамкорликда яшаш хонадонига олиб чиқиб қўйган. Қайд этилишича, ҳозирда фуқаронинг аҳволи яхши.