Ўзбекистонда йирик қурилиш ишлари ҳажми кескин кўтарилди

2025 йилнинг январ—октябр ойларида республикада йирик қурилиш ташкилотлари томонидан 61,6 трлн сўмлик қурилиш ишлари бажарилди. Бу 2024 йилнинг мос даврига нисбатан 27,5 фоизга юқори.

Фото: Kun.uz

Миллий статистика қўмитаси маълумотларига кўра, йилнинг 10 ойи якунлари бўйича йирик қурилиш ташкилотлари томонидан бажарилган ишлар ҳажми барқарор ўсиш тенденциясини намоён этган.

Йиллар кесимидаги динамика (январ—октябр):

2021 йил — 22,7 трлн сўм;
2022 йил — 28,2 трлн сўм;
2023 йил — 29,9 трлн сўм;
2024 йил — 45,5 трлн сўм;
2025 йил — 61,6 трлн сўм.

Шу тариқа, 2021–2025 йиллар давомида январ—октябр ойларида йирик қурилиш ташкилотлари томонидан бажарилган қурилиш ишлари ҳажми изчил ошгани кузатилмоқда.