Геология фанлари университети ва Франциянинг BRGM ташкилоти билан келишувга эришилди

Геология фанлари университети ҳамда BRGM давлат муассасаси ўртасида ўзаро ҳамкорлик алоқаларини йўлга қўйиш, илмий-тадқиқот ишлари, геология, геокартография ҳамда кадрлар тайёрлаш соҳаларида ҳамкорлик истиқболлари муҳокама қилинди.

Фото: “Дунё” АА

Франциянинг BRGM (Bureau de Recherches Géologiques et Minières) делегацияси Геология фанлари университетига расмий ташриф билан келди.

Ташриф доирасида Геология фанлари университети ҳамда BRGM давлат муассасаси ўртасида ўзаро ҳамкорлик алоқаларини йўлга қўйиш, илмий-тадқиқот ишлари, геология, геокартография ҳамда кадрлар тайёрлаш соҳаларида ҳамкорлик истиқболлари муҳокама қилинди.

Музокаралар давомида икки томонлама ҳамкорликни мустаҳкамлаш, тажриба алмашиш ҳамда қўшма лойиҳаларни амалга ошириш масалалари бўйича келишувларга эришилди.

Ташриф доирасида ўтказилган семинарда иштирокчилар фойдали қазилмаларни қазиб олиш, қайта ишлаш, конни ёпиш ва ёпилишдан кейинги бошқарув масалалари бўйича фикр-мулоҳаза алмашди.