Истеъмолчиларнинг асосий ҳуқуқлари: қонун нимани кафолатлайди?

Ўзбекистон қонунчилигига мувофиқ, ҳар бир истеъмолчи товар ва хизматлардан фойдаланишда ўз ҳуқуқларининг ҳимоя қилинишини талаб қилиш ҳуқуқига эга.

Фото: Getty Imagеs

Қонун истеъмолчиларга сифатли маҳсулот танлаш, хавфсизлик, тўлиқ маълумот олиш ҳамда етказилган зарарни қоплатиш каби муҳим кафолатларни беради.

Қонунчиликка кўра, истеъмолчилар қуйидаги ҳуқуқларга эга:

— товар (иш, хизмат) ҳақида, шунингдек, ишлаб чиқарувчи (ижрочи, сотувчи) ҳақида тўғри ва тўлиқ маълумот олиш;
— товар (иш, хизмат)ни эркин танлаш ва унинг тегишли даражада сифатли бўлиши;
— товар (иш, хизмат)нинг хавфсиз бўлиши;
— ҳаёти, соғлиғи ва мол-мулки учун хавфли нуқсони бўлган товар (иш, хизмат), шунингдек, ишлаб чиқарувчи (ижрочи, сотувчи)нинг ғайриқонуний ҳаракати (ҳаракатсизлиги) туфайли етказилган моддий зиён ва маънавий зарарнинг тўлиқ ҳажмда қопланиши;
— бузилган ҳуқуқлари ёки қонун билан муҳофаза этиладиган манфаатлари ҳимоя қилинишини сўраб судга ёки бошқа ваколатли давлат органларига мурожаат этиш;
— истеъмолчиларнинг жамоат бирлашмаларини тузиш.

Ушбу ҳуқуқларни билиш ҳар бир фуқарога ўз манфаатларини самарали ҳимоя қилиш имконини беради.

Тайёрлаган: Отабек Матназаров

#қонун #истеъмолчилар ҳуқуқи