Қўшимча функционаллар
-
Тунги кўриниш
Ўзбекистон | 10:05 / 03.02.2026
4411
1 дақиқада ўқилади
Жиззах вилояти ҳокимлиги тузилмасига икки янги ҳоким ўринбосари лавозими киритилди
“Жиззах вилоятида саноат ва қишлоқ хўжалиги бошқарувини такомиллаштиришга оид қўшимча чора-тадбирлар тўғрисида”ги президент қарори қабул қилинди. Қарорга кўра, Жиззах вилояти ҳокимлиги тузилмасига икки янги ҳоким ўринбосари лавозими киритилади ҳамда улар фаолияти натижага йўналтирилган бошқарув тизими асосида баҳоланади.
Фото: Жиззах вилояти ҳокимлиги
Қарорга мувофиқ, Жиззах вилояти ҳокимлиги тузилмасининг умумий штат бирликлари доирасида қуйидаги лавозимлар жорий этилди:
- ҳокимнинг тоғли ҳудудлар ва яйловларни ривожлантириш, инвестиция ва савдо масалалари бўйича ўринбосари;
- ҳокимнинг дашт ва чўл ҳудудларида саноатни ривожлантириш, инвестиция ва савдо масалалари бўйича ўринбосари.
Шунингдек, 2026 йилдан мазкур янги ҳоким ўринбосарларининг фаолияти самарадорлигини баҳолашда натижага йўналтирилган бошқарув тизими тажриба-синов тариқасида жорий этилади. Бунда:
- KPI кўрсаткичларини белгилашда тегишли ҳудудларда саноатни ривожлантириш ва инвестицияларни жалб қилиш бўйича стратегик кўрсаткичлар ҳамда мақсадли индикаторлар инобатга олинади;
- KPI кўрсаткичлари стратегик, ҳудуд ва туман тоифаларига ажратилиб, ўзаро мутаносиблиги таъминланган ҳолда ишлаб чиқилади;
- KPI бўйича кўрилган чора-тадбирлар натижасида мақсадларга эришганлик даражаси ва натижадорлик асосий баҳолаш мезони бўлади.
Kun.uz янгиликларини Google News'да кузатинг
+ Обуна бўлишМавзуга оид
12:21 / 14.03.2026
Мансаб ваколатини суиистеъмол қилган ҳокимлик ходимлари фош этилди
16:54 / 13.03.2026
“Фақат “парковка” нархини ошириб, шу тизимни юритиш тарафдори эмасмиз” – ҳоким ўринбосари
21:22 / 28.02.2026
Сурхондарёда ўқитувчилардан мажбурий пул йиғиш топшириғини берган “замҳоким” ишдан олинди
20:15 / 28.02.2026