Қўшимча функционаллар
-
Тунги кўриниш
Қозоғистон ва Ўзбекистон темирйўлда юк ташиш ҳажмини ошириш бўйича келишувга эришди
Қозоғистон ва Ўзбекистон темирйўл орқали юк ташиш ҳажмини янада ошириш ҳамда транспорт инфратузилмасини ривожлантириш юзасидан келишувга эришди. Бу ҳақда “Дунё” АА “Казинформ” халқаро ахборот агентлиги маълумотига таяниб хабар берди.
Фото: Дунё
Қайд этилишича, икки мамлакат транспорт вазирларининг учрашуви Қозоғистон президенти томонидан транзит салоҳиятини ошириш ва транзит ташувлари ҳажмини 55 миллион тоннага етказиш бўйича берилган топшириқлар ижроси доирасида бўлиб ўтган. Томонлар Ўзбекистон–Қозоғистон темирйўл алоқасининг стратегик аҳамияти ҳамда минтақавий транспорт интеграциясидаги асосий ролини алоҳида таъкидлаган.
Маълумотларга кўра, 2025 йил якунлари бўйича икки давлат ўртасидаги темирйўл ташувлари ҳажми 32,3 миллион тоннани ташкил этиб, 2024 йилга нисбатан 16 фоизга ошган.
Барқарор ўсишни таъминлаш мақсадида “Сариағаш”, “Оазис” ва “Сирдарё” туташ нуқталарида инфратузилмани ривожлантиришни кўзда тутувчи қўшма чора-тадбирлар режаси ишлаб чиқилган.
Режага мувофиқ, “Оазис” орқали поездлар қатнови суткасига 2 тадан 10 тагача етказилади. Шунингдек, “Дарбаза – Мақтаарал” темирйўл участкасининг қурилиши якунлангач, “Сирдарё” туташув пункти орқали ҳам суткасига 10 жуфт поезд ҳаракати таъминланиши белгиланган.
Музокаралар давомида инфратузилмавий ва таъмирлаш ишларини синхронлаштириш, назорат жараёнларини такомиллаштириш ҳамда технологик ҳамкорликни оптималлаштириш масалалари ҳам муҳокама қилинган. Қайд этилишича, ушбу чора-тадбирлар Марказий Осиёдаги йирик транспорт коридорлари самарадорлигини оширишга хизмат қилади.
Мавзуга оид
22:36 / 19.02.2026
Қозоғистон ва яна тўрт давлат Ғазодаги хавфсизлик кучларига қўшин юборади
15:27 / 16.02.2026
Германияда 2025 йилда темирйўл вокзалларида қарийб 1000 та пичоқли ҳужум содир бўлган
09:36 / 14.02.2026
Қозоғистонлик спортчи Олимпиада-2026да олтин медални қўлга киритди
17:07 / 12.02.2026