«Арсенал» клуби «Брюгге» ҳужумчиси Христос Золис трансферини эълон қилди.
Грециялик 24 ёшли вингер Лондон жамоаси билан 2031 йил июнигача шартнома имзолади. Клуб футболчини 40 млн еврога сотиб олди.
Золис «Брюгге»сафида мамлакат чемпиони, Белгия кубоги ва Суперкубоги соҳиби бўлган.
У ўтган мавсумда Белгия чемпионатида 36 учрашувда майдонга тушиб, 17 та гол ва 23 та голли пас муаллифига айланган.
Золис Греция миллий жамоаси сафида 34 баҳсда 9 та гол урган.
Грециялик ҳужумчи илгари ПАОК, «Норвич», «Твенте» ва «Фортуна» каби жамоаларда ҳам ўйнаган.
