Миллий статистика қўмитаси маълумотларига кўра, 2026 йилнинг январ–июн ойларида Ўзбекистонда иқтисодиёт ва ижтимоий соҳани ривожлантириш учун барча молиялаштириш манбалари ҳисобидан 338,9 трлн сўмлик асосий капиталга инвестициялар ўзлаштирилган.
Ушбу инвестицияларнинг 69,5 фоизи хорижий инвестициялар ва кредитлар ҳиссасига тўғри келган.
Ўзлаштирилган хорижий инвестициялар ва кредитлар ҳажмида давлатлар кесимида Хитой катта фарқ билан етакчилик қилган. Унинг улуши 47 фоизни ташкил этган.
Кейинги ўринларда Россия — 7,4 фоиз ва Туркия — 6,6 фоиз кўрсаткич билан қайд этилган.
Шунингдек, хорижий инвестициялар ва кредитлар ҳажмида Саудия Арабистонининг улуши 4,1 фоизни, Бирлашган Араб Амирликлариники 3,2 фоизни, Қозоғистонники эса 2,5 фоизни ташкил қилган.
Шу тариқа, 2026 йилнинг биринчи ярми якунларига кўра, Ўзбекистонда ўзлаштирилган хорижий инвестициялар ва кредитлар таркибида Хитой энг йирик улушга эга давлат бўлиб қолмоқда.
