ЎРҚ–1167-сон қонун билан Ўзбекистон БМТнинг медиация натижасида эришилган халқаро келишув битимлари тўғрисидаги конвенциясига қўшилиши белгиланди.
Мазкур конвенция 2018 йил 20 декабрда Ню-Йорк шаҳрида қабул қилинган.
Қонунга мувофиқ, Ўзбекистон конвенцияга қўшилишда иккита қўшимча шартни белгилаган.
Биринчидан, конвенция қоидалари Ўзбекистон Республикаси ёки унинг ҳар қандай ҳукумат муассасаси ёхуд ҳукумат муассасаси номидан ҳаракат қилувчи шахс иштирок этган келишув битимларига нисбатан татбиқ этилмайди.
Иккинчидан, Ўзбекистон конвенцияни фақат келишув битимининг тарафлари уни қўллашга рози бўлган муносабатларга нисбатан татбиқ этади.
Қонун Қонунчилик палатаси томонидан 2026 йил 4 августда қабул қилинган ва Сенат томонидан 8 августда маъқулланган. Ҳужжат 14 август куни президент томонидан имзоланган.
