Ferrari компанияси ишлаб чиқарган Luce янги электрли моделининг илк нусхаси Калифорния штатидаги Монтерей шаҳрида 40 млн долларга сотилди. Бу ҳақда RM Sotheby’s аукцион уйи хабар берди.
«Ferrari Luce — Ferrari’нинг дизайн, материаллар ва ранг соҳасидаги тадқиқотларининг илғор натижасидир. Chassis 0 рақами билан белгиланган ушбу автомобил Ferrari Luce моделининг биринчи серияли нусхаси бўлиб, у тўлиқ электр автомобилдир», — дейилади аукцион сайтидаги лот тавсифида.
Хабарга кўра, автомобил 40 млн долларга сотилган. Сотувдан тушган маблағ Ferrari Foundation хайрия жамғармасининг таълим дастурларига сарфланиши таъкидланмоқда.
Ferrari Luce — Ferrari’нинг биринчи серияли тўлиқ электр автомобили бўлиб, у илк бор 2026 йил май ойида намойиш этилганди.
