«Арсенал» – «Ковентри» 3:0
Голлар: Ҳаверц, 15 (1:0). Сака, 23 (2:0). Эдегор, 49 (3:0)
«Арсенал»: Райя, Москера, Габриэл Магаляйнс, Калафиори (Инкапие, 81), Уайт, Райс (Субименди, 68), Люис-Скелли, Эдегор (Эзе, 76), Золис (Мерино, 76), Сака (Мадуэке, 68), Ҳаверц
«Ковентри»: Рэшворт, Томас, Аменда, Дасилва, ван Эвейк, Граймс, Йиренки (Торп, 62), Ониека, Томас-Асанте (Рудони, 70), Чауна (Ҳамер, 82), Симмс (Авонийи, 70)
Огоҳлантиришлар: Габриэл Магаляйнс, 34 – Йиренки, 27
«Арсенал» АПЛ янги мавсумининг 1-турида «Ковентри»ни йирик ҳисобда мағлуб этди – 3:0.
Ўйиннинг 15-дақиқасидаёқ Кай Ҳаверц ҳисобни очди. 8 дақиқа ўтиб Букайо Сака лондонликларнинг ҳисобдаги устунлигини мустаҳкамлади. Эътиборли жиҳати, ушбу икки голда ҳам «Арсенал»нинг ёзги харидларидан бири, 40 млн евро эвазига «Брюгге»дан харид қилинган грециялик чап қанот вингери Христо Золис асосий ишни бажарди. У аввалига чап қанотда рақибдан тўпни олиб қўйди ва Ҳаверцнинг голига узатма берган Калафиорини пас билан таъминлади. Кейин эса унинг қанотдан узатмасидан кейин тўп йўл-йўлакай меҳмонлар дарвозабонига теккан ҳолда Сакага келиб тушди. Ушбу вингер мавсум аввалида Англия суперкубоги учун кечган баҳсда «Манчестер Сити» дарвозасига урилган учта голдан иккитасида ассистентлик қилганди.
Иккинчи бўлим бошида эса лондонликлар сардори Мартин Эдегор ўйинга якуний нуқтани қўйди.
Шундан кейин Микел Артета жамоа етакчиларига дам беришга қарор қилиб, Райс, Сака, Эдегор, Золис ва Калафиорини захирага олди. Уларнинг ўрнига тушган футболчилар эса ғалабали ҳисобни сақлаб қолишди.
Кейинги турни «Ковентри» 29 август куни ўз майдонида «Ҳалл Сити»га қарши ўтказади. «Арсенал» 31 август куни «Астон Вилла» меҳмони бўлади.
