24 августдан бошлаб ChatGPT чат-боти Европанинг 31 мамлакатида, жумладан, Германия, Франция, Испания, Италия, Швеция, Норвегия, Дания, Нидерландия ва Австрияда реклама намойиш эта бошлади.
Реклама чат-бот жавобининг тагида Sponsored ёзуви туширилган алоҳида карточка кўринишида бўлади. Компания бу янгилик ҳақида 18 август куни эълон қилган эди.
Чат-бот ишлаб чиқарувчиси бўлган OpenAI компанияси ChatGPT Ads дастурини 2026 йил февраль ойида АҚШ ҳудудида ишга туширганди. Кейин бир неча ой давомида дастур яна саккизта мамлакатга татбиқ этилди: Австралия, Бразилия, Буюк Британия, Канада, Мексика, Янги Зеландия, Жанубий Корея ва Япония.
Пулли тариф режаларидан фойдаланувчиларга реклама кўрсатилмайди. Бепул (Free) ва арзон (Go) тариф режаларида эса реклама дастур қўллаб-қувватланадиган мамлакатларда пайдо бўлиши мумкин.
