New York Times нашри АҚШ президенти Доналд Трампга хорижий давлатлардан юборилган совғаларни тилга олди. Улар қаторида Қатардан ҳашаматли самолёт, Саудияда бир жуфт қоплон ва Ўзбекистон президенти томонидан туҳфа қилинган «нафис ишланган» шийпонлар бор.
Ўзбекистон шийпонлари – Трампнинг Америка қаҳрамонлари миллий боғи барпо этилиши режалаштирилган Ғарбий Потомак паркида намойиш этилади.
«Ўзбекистон президенти Шавкат Мирзиёев анъанавий ўзбек шийпонларини саховат билан ҳадя қилди. Президент Доналд Трамп [уларни] АҚШ халқи номидан қабул қилиб олди», дея АҚШ Ички ишлар департаменти алоқалар бўйича директори Кети Мартиннинг сўзларини келтирмоқда NYT.
Маълум қилинишича, Ғарбий Потомак паркига ташриф буюрувчилар шу йил куз фасли охиридаёқ «нафис ишланган айвонлардан баҳраманд бўлишлари» мумкин.
Ушбу ҳадяни Ўзбекистоннинг АҚШдаги элчиси Фурқат Сиддиқов ҳам тасдиқлади. Унинг айтишича, ўзбек санъати асари Вашингтондаги Америка қаҳрамонлари боғининг бир қисмига айланмоқда.
«Ўзбекистон президентининг АҚШ президенти ва Америка халқига совғаси бўлган иккита анъанавий ўзбек шийпони (айвони) ўзаро дўстлигимиз ва стратегик шериклигимиз рамзи бўлиб хизмат қилади», дейилади элчининг постида.
NYT тарқатган ва элчи жойлаган постдаги расмларда
