E-Auksion платформасида Тошкентдаги Fonon заргарлик заводига эгалик қилувчи Gold Moon Tashkent компаниясидаги 100 фоиз давлат улуши сотувга чиқарилди. Бошланғич нарх — 316 млрд 670 млн сўм.
Аукцион 28 сентябр куни соат 10:00’да бошланади. Иштирок этиш учун аризалар шу куни соат 9:00’гача қабул қилинади. Савдолар нархни ошириб бориш усулида ўтказилади.
Gold Moon Tashkent МЧЖ Тошкент шаҳри Чилонзор тумани Кичик ҳалқа йўли кўчасидаги 50-уйда жойлашган. Компания 2,56 гектар ер участкаси ва 11 минг 370 квадрат метрни ташкил этувчи бино ва иншоотлар мажмуасига эга. Шу билан бирга, корхонанингнинг кўчмас мулк объектларига кредит мажбуриятлари сабаб тижорат банки томонидан тақиқ қўйилган.
Маълумот учун, 2026 йилнинг биринчи ярмида Gold Moon Tashkent 33,4 млн соф фойда кўрган. 2025 йилнинг якунлари бўйича соф зарар 7,8 млрд сўмни, 2024 йилнинг якунлари бўйича эса 12,3 млрд сўмни ташкил этган.
