Чифтчи, шунингдек, Жиноятчиликка қарши кураш кенгашини ташкил этиш масаласи қўшма баёнотга киритилганини маълум қилди. Таъкидланишича, кенгаш терроризм, гиёҳвандлик, ноқонуний миграция, ноқонуний букмекерлик ва бошқа жиноятларга қарши курашда умумий имкониятларни кучайтиради.
Мустафо Чифтчининг сўзларига кўра, Жиноятчиликка қарши кураш кенгаши иш бошлаганидан сўнг унинг ижро органи сифатида Туркий давлатлар ҳуқуқни муҳофаза қилувчи органлар ҳамкорлиги агентлиги — Туркпол ташкил этилади.
Йиғилишда, шунингдек, туркий давлатлар фуқароларининг шахсни тасдиқловчи ҳужжат билан сафар қилиши ва аэропортларда умумий паспорт назорати пунктларини ташкил этиш масалалари ҳам муҳокама қилинган.
