Fransiyaning Moviy sohillarida feyyerverkdan so‘ng yuzaga kelgan vahima sabab ur-to‘polon yuz bergan. Buning oqibatida 40 kishi jabrlangan. France Bleu radiosining xabar qilishicha, feyyerverkning portlashi olomonda qo‘poruvchilik fikrini uyg‘otgan.
Xabarlarga ko‘ra, 14-avgust kuni mahalliy vaqt bilan 22:30da Fransiyaning Juan-le-Pen kurort shahrida vujudga kelgan tartibsizlikka mashinadan uloqtirilgan feyyerverk sabab bo‘lgan.
Politsiya hodisa hujum emasligini tasdiqlab, biroq surishtiruv ishlarini davom ettirayotganini ma'lum qilgan.
Mahalliy nashrlardan birining yozishicha, odamlar ko‘chalarda yugurib, yaqin oradagi restoran va barlardan boshpana izlashgan.
