15 noyabr kuni O‘zbekiston delegatsiyasi Seulga boradi

O‘zbekiston Respublikasi delegatsiyasi 2016 yilning 15-16 noyabr kunlari Seul shahrida tashqi ishlar vazirlari o‘rinbosarlari darajasida bo‘lib o‘tadigan hamkorlik bo‘yicha “Koreya Respublikasi – Markaziy Osiyo” o‘ninchi Forumida ishtirok etadi. Bu haqda O‘zbekiston Tashqi ishlar vazirligi sayti xabar bergan.

Yubiley uchrashuvda ko‘p tomonlama hamkorlikning dolzarb masalalarini, jumladan mavzulashgan sessiyalarda “elektron hukumat” va qishloq xo‘jaligi sohalaridagi hamkorlikning istiqbollarini muhokama qilish rejalashtirilgan.