16:38 / 17.11.2016
12901

Sargsyan Rossiya «Iskander»larining Armanistonda joylashtirilishiga izoh berdi

Armaniston prezidenti Serj Sargsyanning izoh berishicha, Rossiyaning «Iskander» raketa majmualarini respublika hududida joylashtirish majburiy choradir. U mintaqadagi barqarorlikni saqlashga xizmat qiladi, deb xabar qilmoqda RIA «Novosti» agentligi.

«O‘ylashimcha, bu mintaqamizdagi harbiy muvozanatni tiklash uchun majburiy chora. Sir emaski, Ozarboyjon so‘nggi bir necha yilda doimiy ravishda yangi qurol-aslaha sotib oldi. Biz Ozarboyjon kabi moliyaviy imkoniyatlarga ega emasmiz. Biroq, vaziyatni bir maromda ushlashga harakat qilamiz», — degan Sargsyan.

Shu bilan birga, u qurol-yarog‘lar poygasini «nomaqbul vaziyat» sifatida baholagan.

Ushbu majmualar ilk bora 21 sentabrda Yerevanda Armaniston mustaqilligining 25-yilligi munosabati bilan o‘tkazilgan harbiy parad chog‘ida namoyish etilgan edi. 

Mavzuga oid
Top