27 dekabr kuni Dubayda Yevropa klublari assotsiatsiyasi hamda Yevropa futbol agentlari assotsiatsiyasi tomonidan ta'sis etilgan Globe Soccer Awards futbol olamidagi 2016 yilning eng yaxshilarini taqdirladi.
2016 yilning eng yaxshi klubi deb "Real Madrid" topildi. Madridliklar hujumchisi Krishtianu Ronaldu esa yilning eng yaxshi o‘yinchisi nomiga munosib ko‘rildi.
Portugaliya bilan Yevropa chempionatini qo‘lga kiritgan Fernandu Santush eng yaxshi murabbiy, Mark Klattenburg eng yaxshi hakam, Samuel Eto’O faoliyatidagi umumiy yutuqlar uchun sovrin bilan taqdirlandi.
Bundan tashqari Mino Rayola yilning eng yaxshi agenti, "Real Madrid" rahbari Florentino Peres eng yaxshi prezident deb topildi.
