Toshkent viloyati hokimi Shukurullo Boboyev boshchiligidagi O‘zbekiston delegatsiyasi Sankt-Peterburgdagi "Sankt-Peterburg – Rossiya va chet davlatlar mintaqalari" kichik va o‘rta biznes XI Peterburg Partneriatida ishtirok etdi.
Ushbu Partneriat iqtisodiy hamkorlik va xalqaro, mintaqalararo aloqalarni rivojlantirish sohasida Sankt-Peterburgda har yili o‘tuvchi anjuman hisoblanadi.
Partneriat davomida O‘zbekiston delegatsiyasi "Angren" erkin iqtisodiy hududi taqdimotini o‘tkazdi.
Anjuman ishtirokchilari "Angren" EIHda investorlar uchun yaratilgan sharoitlar haqida batafsil ma'lumot olishdi.
O‘zbekiston delegatsiyasi Sankt-Peterburgga safari davomida Leningrad viloyatidagi bir qator korxonalarga tashrif buyurdi.
Shuningdek, o‘zbekistonlik tadbirkorlar Rossiya kompaniyalari bilan muzokaralar o‘tkazib, bir nechta kelishuvlarni imzolashdi.
